Ларгсса шинал Щардал шяраву тIивтIуну бур фельдшер ва акушер медициналул пункт.

Ванил хъунмурну зий бур Аьйша Вагьабова, акушеркану – Нуржагьан Хизиева. Вай кIивагу бур даву канилух дурксса, цалла даву хъинну кIулсса пишакартал. Вайннул бусаврийн бувну, шяраву чIяруну ашкара хъанай дур онкологиялул цIуцIавуртту. Шама инсан къуртал хьуну ур Щарав махъсса шиннардий онкологиялул цIуцIавурттал.
Медпункт дузалну бур медициналул аьркин-къарциндалул. Райондалул хъунмур азарханалущал дахIаву дур, амма чIун шайсса дур дахIаву дакъассагу. Шяраву бусса бур сияхIрай бакъасса 116 хъамитайпа, сияхIрайн лавсъсса бур 101. Шяраваллил жямат чан личIлай бур, гьашину школалийн гьантIий ур 4 оьрчI.

ХI. Аьдилов